Хүүхдийг уншиж сургах, ном унших дуртай болгодог хамгийн шилдэг аргуудын нэг нь тэдэнтэй цуг унших явдал юм. Номыг чангаар унших, цуг унших, хүүхдийнхээ уншихыг сонсох нь тэднийг номд жинхэнэ хорхойтой болгоход таны үзүүлж буй явдал болно.

Анх уншуулж сургахад зориулсан ном нь таны хүүхдийг чөлөөт цагаа хөгжилтэйгээр өнгөрөөхөд нь тусална. Үлгэрийн болон киноны ном нь хүүхдүүдэд аль хэдийнээ танил болсон дүрүүдийг дүрсэлсэн байдаг. Танил дүрүүд нь хүүхдийг үлгэрийн ертөнцөд хялбархнаар татан оруулж уран зохиолын анхан шатны мэдлэг олгож, ярианы хэл бичгийн хэлтэй нягт холбоотой гэдгийг ойлгуулж...

Шүүмжлүүлж өссөн хүүхэд бусдыг буруутгаж сурдаг
Дайсагналд өссөн хүүхэд бусдад дайсагнаж сурдаг
Айдас, хүйдэст өссөн хүүхэд аймхай, хулчгар болдог
Цөхөрлөөр дүүрэн амьдралд хүүхэд хүлцэнгүй болдог
Доог тохуурхалд өссөн хүүхэд бүрэг ноомой болдог
Атаа хорсолд өссөн хүүхэд атаач жөтөөч болдог
Ичгүүртэй амьдралд өссөн хүүхэд өөрийгөө буруутгаж явдаг
Урмаар дүүрэн амьдралд хүүхэд итгэж сурдаг
Хүлцэж, хатуужиж өссөн хүүхэд өөрийгөө буруутгаж явдаг
Магтаал дүүрэн амьдралд хүүхэд бусдыг үнэлж сурдаг
Хайр энхрийлэлээр дүүрэн орчинд хүүхэд хайрлаж сурдаг
Сайшаалаар дүүрэн амьдралд хүүхэд өөрийгөө хайрлаж сурдаг
У...

Бага насны хүүхдийн хичээлийг давтуулж байхад нэг хэцүү зүйл бол тэдний амархан анхаарал нь сарнидаг явдал. Эцэг эхчүүдийн уурыг бардаг нэг зүйл бол хүүхэд нь ердөө хориодхон минутын дараа л эвшээлгээд, ийш тийшээ хараад сонирхол нь буураад, зааж байгаа зүйлийг нь анхаарахгүй болоод ирэх явдал байдаг. Гэтэл давтуулах ёстой хичээл дундаа ч ороогүй байдаг. Одоо яах билээ, айлгаж зандрах уу, ингээд орхих уу? Манай хүүхэд л гэж нэг аавыгаа (ээжийгээ) дууриасан залхуу нөхөр юмуу? Хүүхдийнхээ хичээлийг давтуулах гэсэн ажил маань сүүлдээ маргаан болон хувирах ч энүүхэнд. Энэ багш нар тэгээд яаж эд на...

Тэмээний ботго сансарт нисчээ
Тэнүүн говио санаад буйлжээ.
Сарлагийн тугал сансарт нисчээ
Сарьдаг уулаа санаад буужээ.
Арслангын гүег сансарт нисчээ
Африкийн ширэнгээ санаад иржээ
Цагаан баавгайн бамбарууш сансарт нисчээ
Цастай мөстэй туйлаа санаад уйлжээ
Найз минь бид сансарт нисвэл
Нарлаг Монголоо санах л байхдаа.

Өвөлжин миний урласан
Өндөр цасан өвөө минь
Өнөөдөр гэнэтхэн алга
Өчнөөн хайгаад сураггүй
Хайртай цасан өвөө минь
Хаашаа чухам явчихав даа
Талын зэрэглээ дагаад
Талийж надаас зугатчихав уу

     Гурван баян
Эрдэм ном дээд баян
Үр хүүхэд дунд баян
Эд хөрөнгө адаг баян

 Ертөнцийн гурван дутуу
Тэнгэр баганагүй нэг дутуу
Уул бүслүүргүй нэг дутуу
Далай бүслүүргүй  нэг дутуу

  Ертөнцийн  гурван цагаан
Өсөхөд шүд цагаан
Өтлөхөд үс цагаан
Үхэхэд яс цагаан

      Цэцэн үг
Эрдмийг хүсвэл бичиг сур
Эрүүлийг хүсвэл цэвэр бай
Эрдмийг хичээлээр сурдаг
Эрлийг сургаар олдог.

...

Өөдөсхөн бамбарууш минь
Өнхөрч эрхлэх нь хөөрхөн
Өлгийтэй бяцхан дүү минь
Өөдөөс инээх нь хөөрхөн
Энхрийлж намайг өсгөсөн
Ээжийн бүүвэйн дуу хөөрхөн
Аргадаж намайг өхөөрдсөн
Аавын цагаан сэтгэл хөөрхөн
Дахилт:
Өөрөө би амьдардаг болохоор
Өнгөт цэнхэр дэлхий минь хөөрхөн
Надад цэцэгсийг өгсөн болохоор
Нарны туяатай хөөрхөн дэлхий
Ангаахай багадаа үерхсэн
Ангийн найзууд минь хөөрхөн
Алдрайхан бодлыг тэтгэсэн
Ачит багш минь хөөрхөн
Дахилт


...

Өвөө минь гэртээ цэлмэг тэнгэр
Эмээ минь гэртээ уудам тал
Аав минь гэртээ ханагар уул
 Ээж минь гэртээ алтан нар
Ах минь гэртээ ургаа мод
Эгч минь гэртээ гоёхон цэцэг
Дүү минь гэртээ бүжин туулай
Би өөрөө ганган эрвээхэй